BERGANTERA

O pasado xoves 17 de decembro as súas Maxestades de Oriente chegaron para facer unha visita aos nenos do colexio. Estiveron moi atentos ás peticións do alumnado e repartiron caramelos coma de costumbre. Foi unha tarde moi emocionante, incluso para a nosa Nati que tamén fixo a carta e ensinoulla aos Reis Magos. Que sería o que pediu Nati???....

Vouvos falar dunha figura da nosa tradición que tiñamos esquecida e que, nos últimos anos, nas vilas de Galiza estase a recuperar. É o mítico personaxe do Apalpador, un personaxe que vivía nas altas montañas das serras orientais de Galiza e que nos días do inverno baixa ás aldeas e vilas dos vales para apalparlles a barriguiña ás meniñas e aos meniños por ver se comeran ben durante todo o ano, achegándolles castañas e agasallos feitos a man.
 
O Apalpador, de profesión carboeiro, mora nas devesas das montañas do Caurel e outras serras orientais da Galiza e caracterízase fisicamente por ser un xigante bonachón que viste boina e traxe esfarrapado e con remendos, fuma en pipa e se alimenta con bagas salvaxes e os porcos bravos que caza no monte.
 
A historia é a seguinte:
 
A noite do 24 de decembro baixa da súa escura morada para visitar aos nenos e nenas galegas, e chega cando estes están xa durmidos. Apálpalles a barriga para ver se  están fartos ou teñen fame ( de ahí o seu nome). Se o caso é o primeiro di: “ Así, así estéas todo o ano”, e deixalle unha presiña de castañas. Se pola contra, están famentos, fica calado e deixalle tamén unha man chea do froito do castiñeiro.
 
As veces coa emoción que produce nos cativos a chegada deste ser, non poden durmir, co que os máis vellos da casa cántanlle cantigas coma esta:

 
Vaite logo meu ninín/niniña

marcha agora para a camiña

que vai vir o Apalpador

a palparche a barriguiña.

Xa chegou o día grande

día do noso Señor

xa chegou o día grande

e vai vir o Apalpador.

Mañá é día de cachela

e haberá gran nevarada

e ha vir o Apalpador

cunha mega de castañas.

Por aquela cega

xa ven relumbrando

o señor Apalpador

para darvos o aguinaldo.
 
Hoxe os tempos mudaron, asi que ademais de castañas o apalpador pode traer algún xoguete. Máis a diferenta doutros personaxes como o Pai Noel, estes serán sempre de fabricación caseira ou reutilizados, creando nos máis pequenos a conciencia de que para pasalo ben non é preciso ter moitos agasallos novos.
 
Nestes tempos de Nadal consumista, o Apalpador recupera unha figura da nosa tradición relacionada co Pai Inverno e mesmo co propio Papá Noel, propia dos pobos preindoeuropeos e espallada por toda Europa, quizais relacionada cos ancestrais cultos á divindades do Inverno, protectores das colleitas e do gando, mais que por influencia do cristianismo foi desaparecendo paseniño.
 
Recuperar o Apalpador é un acto de reivindicación da memoria do noso país, das nosas tradicións; é un acto de defensa da nosa identidade. Recuperar o Apalpador, ademais, é un acto de reivindicación dun consumo solidario e responsable.
 
ENLACES: 
PÁXINA WEB OFICIAL http://www.apalpador.com/  
MATERIAL PARA A RECUPERACIÓN DA FIGURA DO APALPADOR http://galiza.indymedia.org/media/2009/12//21757.pdf 
http://www.vieiros.com/vieiros-da-escola/index.php?id=8 
CONTO DO APALPADOR http://www.apalpador.com/apalpador.pdf  
IMAXES http://www.apalpador.com/parabaixar 
LÁMINAS http://www.apalpador.com/node/20 
WEBQUEST 1º CICLO DE PRIMARIA http://centros.edu.xunta.es/ceipfrian/phpwebquest/caza/soporte_tablon_c.php?id_actividad=15&id_pagina=1 
VIDEO APALPADOR EN COMPOSTELA http://www.youtube.com/watch?v=wqdsx5QbH40 

Hoxe os nenos e nenas de 2º ciclo fomos á pista de xeo. Ali pasámolo moi ben e para que vexades ahi tedes algunhas fotos da mañá...

Intenta este xogo para dividir por dúas cifras. Xa verás que é moi sinxelo.

http://www.amolasmates.es/flash/divisiones/division2.html

Neste curso dentro do proxecto CASAS DE AQUÍ E DE ACOLÁ estamos aprendendo como vivían os nosos antepasados e como construían as súas vivendas. Algúns de nós fixémolas moi doces, como podedes ver nas fotos e pasamolo moi, moi ben. Outros preferiron usar materiais de refugallo e tamén lle quedaron moi acaídas. E a ti, cales che gustan máis?

Visita o seguinte link para xogar...
http://www.primaria.librosvivos.net/Las_cadenas_alimentarias_26.html

Queres coñecer como vivían os nosos antepasados? Ao mellor queres saber como era a vida na época dos castelos? Non, non, igual queres saber cales son as novas tendencias na arquitectura actual? Ou,.. como serán as vivendas do futuro?
Ven de paseo connosco e aprenderás moitas cousas interesantes!!!

Esta semana imos celebrar o III concurso de cabazas CEIP BERGANTIÑOS. Ide preparando os aparellos e mans ás cabazas. Lembrade as normas do concurso e que haxa sorte. Alguén me dixo que ía a haber agasallos para todos.... Schhhhssssssssssssssss.